Baydhaba(HalbeegNews)Mid ka mid ah labadii shir ee iska soo horjeeday, kana socdey magaalada Baydhabo laguna soo dhisayey maamul goboleed ayaa maanta doortey madaxweyne.

Madaxweynaha cusub ee la doortey, Madoobe Nuunow Mohamed oo horey wasiir uga ahaa xukuumadihii KMG ee Somalia, ayaa hoggaamin doona maamul goboleed la sheegey inuu ka koobnaan doono lix gobol, laguna magacaabo Maamulka Koonfuur Galbeed Somalia.

Sidoo kale Doorashada Madaxweyne ku Xigeenka ayaa u dhacday si gacan taag ah, waxaana jirin cid kula tartantay Maxamuud Sayid Aadan oo loo Doortay Xilkaan Madaxweyne ku xigeen ee Koonfur Galbeed, Kana soo Jeeda Beesha Sade.

Waxaa isla magaalada Baydhabo ka socda shir kale oo isna la doonayo in lagu soo dhiso maamul ka kooban saddex gobol.

Dowladda Federalka Somalia war saxaafadeed ay ka soo saartey Muqdisho waxay ku sheegtey inay taageersan tahay maamul 3 gobol ka kooban oo degaanadaasi loo sameeyo, kuwaas oo kala ah Bay, Bakool iyo Shabeellaha Hoose.

Dawlada Somaliya Ayaa Rajaxumo La soo darsaysaa Hadii Ay baydhabo ku adkeysato doorashadan ay qabteen walow ay tageersanyahiin ilaa shacabka ku dhaqan degaanada baydhabo Lixda gobal iyo madax-weynayaasha ay doorteen somaliya ayaa kal go’ uu sii socon doona hadii aanay mareyn xalada ka taagan shabelooyinka.

Somaliland Minister of Presidency who is also Head of Roads Development Agency, Mr. Hersi Ali Haji
Hassan, has recently announced that the Somaliland Government would shortly release the
Somaliland Roads Master Plan. A couple of months back, the same Minister also declared that the
road linking Somaliland and Djibouti will start from Borama. The minister did not elaborate whether
the proposal link with Djibouti via Borama is under study, or merely statement out of his old memory.
In the following note, I would discuss the facts and figures related to the alternative routes linking the
two brotherly nations (Somaliland and Djibouti).
First of all, it should be remembered that 90% of the traffic between the two nations embark from /to
Hargeisa. The number of vehicles that would initiate their journey from Borama is nominal.
Consequently, all efforts and analyses should focus on the best ways and means of linking the two
capital cities (i.e. Hargeisa and Djibouti), which also happen to be most populous and most busy traffic
centers in the region. Secondly, the road project should not be politicized no matter what. Thirdly,
Borama which is the second most vital population center in Western Somaliland is already linked to
Hargeisa, but another road linking Borama and Djibouti should be constructed via Lughaya at relatively
much lower cost.
Borama, Hariirad, and Adulaqadir Route: The road linking Djibouti with Hargeisa via Borama is the old
pre-independence road and extends for 262 miles or Km 424. The positive aspect of this road is its
deviation from the tough mountain terrain as the British with their old fashioned vehicles tried to
avoid the rough mountains and the sandy valleys. However, since this route is unnecessarily too long,
it was long considered uneconomical and was abandoned for the past thirty years. The situation was
recently exacerbated by the sky-rocketing oil prices. No one in his right mind would consume a
minimum of one extra barrel of diesel or gasoline to cross the barren and hardly populated desert
extending between Hariirad and Zaila. I would therefore urge the Roads Agency to shelf this proposal.
Alternatively, Borama should be linked to the grid via Lughaya.
Agabar, Ali Xaydh Route: This is a relatively shorter road linking Hargeisa and Djibouti via Agabar, Ali
Haydh, and Gargara and was used to safe fuel during the years of 1980 to 2000. The positive aspect of
this route is that it has less mountainous straits (or Daw). On the other hand, this route comprises
several large dry valleys where crossing is painful. The construction of this road will require strong and
often long bridge network.
DAWGA-CAD Route: This route is currently under construction by the local community and would link
Hargeisa with Djibouti through Ceel Sheekh, and Lughaya. This route is considered the shortest route
to Djibouti and therefore the most economical for travelers in terms of time and fuel consumption. In
fact, this route does include 5 Km of tough mountain strait (or Daw), which is difficult to cross.
However, the local community as recently built 5 km long world-class mountain road

 (WAA DHACDO UGUB AH OO AAN ABIDKEED KA DHICIN DHULKA SOOMAALIDU DEGTO.)

SOMALILAND WAA DAL LAGU YAQAANO NABAD, DEGANAAN IYO ISU-DULQAADASHO BALSE WAA MARKII UGU HOREYSAY EE QOF BIRIMAGEYDO AH LAGU DILEY HANTI LACAGEED OO UU LAHAA OO LAGA AMAAHDEY KADIBNA LAGU UUS XABAALEY GUDAHA AQALKA DEYNTA LAGU LAHAA.!!!

Cashadii gashaba waagu waa caynad gooniyahe
Caammadu waxay moodayaan curasho Dayreede
Cilmi Felegga way garan raggii Caalimka ahaaye
Anigaase Moorada cakiran kuu caddayn kara’e
Cirsan-ka-yeedhkii maantana warbuu sheegay Caliyo’e
Wuxu yidhi halkuu ku cuyubnaa cirirki soo dhaafye
Carruuraha la dhacay Awliyada laga cadhaysiiyey
Carshigaaba laga soo aqbalay cabashadoodiiye
                                                                            Abwaan Axmed Ismacil Diriye(Qaasim).

Waxa Dastuurka Jamhuuriyadda Somaliland ku Cad Xaqa Nololeed ee uu Qofka Muwaadinku leeyahay waxaanu balanqaadey in uu qofkasta oo Muwaadin ahi Helo Nolol, Amaan, iyo Xoriyad, cidna kama qaadi karto qofka ilaa uu isagu iska qaado ama danbi ka galo dalka.

Shalay Axadii ayey aheyd Aniga oo Agagaarka Madaarka Hargeysa ku sugan markii aan la kulmay abaaro 02:00 Duhurnimo qaylo iyo oog ay isku dareen Dhamaan Taliyayaasha Saldhigyada Ciidamada Booliska ee Magaalada Hargeysa waa Raadaalka Ciidamadu ay kuwada hadlaan oo uu ila ag joogey sarkaal agteyda shah ku cabayey, waxaan dhageystey Qeylada aniga oo is idhi malaha qaar Argagaxiso ah ayaa la qabtey waxa aan maqlayaa (Ambulance noo keena taliye hebel soo carar saldhig hebel naasa hablood hala soo gaadho iyo dhawaaqyo aad u naxdin badan oo aad u farabadan ilaa 10 daqiiqo ayey aheyd markii raadyahaasi uu afka isku dari waayey),

Waxaan qaatey Mopile-keygii oo aniga ii ah raadyow aan kala xidhiidho bulshada waxan isku dayey in aan garaaco cid ku sugan New Hargeysa si aan u wareysto, dhawr telephone ka dib waxa igu soo celiyey tell-ka qof aan war soo raadi ku idhi waxa uu ii sheegay in la helay meydka gabadh oo guri lagu dhex aasey oo gabadh ay deyn ku laheyd dishey kuna dhex aastey hoygeedii!!!!!!!!!! Afkala qaad iyo amakaag waxa igashey cabsi waxaan isweydiiyey boqol su’aalood tolow sidey u dishey? Oo qalbi adagaa ma intey dishey ayey god aqalkeed uga dhex qoday? Tolow ma ragbaa hawsha la fuliyey? Oo ma lacag ayey naf dhan u dishey una qarsatey?.

Waan iska dhaafey oo waxaan usoo kicitimey aqalkeygii waxaanan fiidkiiba soo hor fadhiistey TV-yada dalka si warka aan uga helo abaaro 8:00 fiidnimo ayaan daawadey SLNTV- ee qaranka waxanan warkii ka daawadey Godkii gabadha lagu ridey iyo Aqalkii laftiisii iyo Taliye fadal oo sheegaya in uu hayo lix qof oo ay ku jirto Hooyadii lacagta lagu lahaa. Xaqiiqatan waxaan u haystey filim sheekadan ilaa aan daawadey Xamse cali Bulbul oo dul taagan Godkii, qalbigaa I dhaawacmey waxaan dareemay axmaqnimo ka fog gaalnimada waayo gabadh hantideedii ka rabta qofkii ka amaahdey oo ah xaqeedii iyo dhididkeedii ayaa loo diley sided u doontaa xaqaaga? Miyaan meesha Muslim joogin malahayga gaalkaan sidan yeeleen waa qoom inagu cusub oo aanan anigu abidkey arag ama maqal in sidaas Somaliland dhexdeeda la isugu galo muddo 8 maalmood ahna aan cidi ka warqabin waa ceeb.

Qaranka Jamhuuriyadda Somaliland ayey Ceb ku tahay arrintani waana dhabarjab laxaad weyn oo haddii aaney xukuumadu go’aan cad ka qaadan sii socon doona oo waxay gaadhi doontaa in deynta lasy weydiisan kari waayo waayo waa lays dili laysna aasi doonaa oo waliba lays qarin doonaa, balse haddii xukuumadda Madaxweyne Axmed Siilaanyo Go’aan cad ka qaadato sida in la laayo cid kasta oo goob joog ka aheyd falkan kana shaqeysay, taasi waxay badbaadin doontaa malaayiin birimageydo ah oo lacagtoodii dad amaahiyey qofkey amaahiyeena ka awood badan yahay.

Markaa dhamaan shacabka Somaliland waxaan kula talin lahaa in Xukuumadda lagu dhiirigaliyo in falkan sidey tahay talaaabo cad looga qaado laguna fuliyo cidii danbigan geysatey dambigey geysatay abaalkiisii.

Xukuumada waxaan ku adkeynayaa in laga qaato Go’aan shacabka dan iyo daawo u noqda lana fuliyo dilkii miskiintaas lagu khaarajiyey., cidii dood ka keentana sharciga la horgeeyo waxii uga soo abxana la dhadhansiiyo, waayo caasimadeenu inay noqoto meel dadka lagu qasho maaha…….

Hassan Yusuf Faarax

Hassandeef@gmail.com

00-252-634148658

Hargeysa, Somaliland

Dekeda berbera ee beryahanba laysla dhex maraayay in cidkale lagu Wareejiyo Macnaha in sharaa-ig shisheeye oo haruumarin ku sameeya lagu wareejiyo

Somaliland  waxay  ku  soo  caano  maashay  hanaanka  Dimuquraadiyada xisbiyada  badan, waxaana  habkaa  dhigay  oo  dalka  u  jeexay   aas-aasihii  iyo  abihii  Somaliland Marxuum  MAXAMED XAJI  IBRAAHIM  CIGAAL, isaga  ayaana  ku  dhiraday  in  looguro hanaanka  dimuquradiyada laguna  bedelo  habeeledka  markaa  lagu  dhaqmayay,  taaso  qoloda  hada talada haysaa  ay  xiligii  amateed u hayeen shir beleed in mar kale  la  qabto,balse   dawladii  Cigaal  ku  aad  kaysatay  in  habkaa  laga  guuro,  sidaa  ayaa  lagu   sameeyay  Gudigii  Doorasho  ee  ugu horaysay sanadii 2001, waxayna  ku gulaysteen in ay  qabtaan doorashooyinkii  ugu horeeyay  ee Gole  degaan  kii  ugu  horeyay ee dalka  laga  qabto,  laguna  guulaystay  kana  soo  baxeen  3 xisbi  qaran  oo  kala  ahaa  UDUB,KULMIYE iyo UCID, mar kale  ayay hadana  qabteen  doorashooyinki  madaxtinimo  sanadii  2003  kuna  guulaystay  madaxweyne  Daahir  Rayaale, mar sedexaad  ayay  qabteen  doorashadii  barlamaan  ee  ugu horaysay, kana  soo baxaeen barlamaanka  manta  Jooga,  kadib markii  ay  3 aad  Doorasho  qabteen  si  qiimo  lehna ugu  gulaysteen  ayuu  madaxweyne  Rayaale  kala  diray  markii  waqtigi  ka  dhamaaday,  waxaana  mar  kale  la  soo magacabay  gudi  doorasho  kuwaasi  oo  fashil  may in ay wax  doorasho ah  qabtaan, waxayna  sabaabtay in ay  iscasilaan, Intaa  kadib  ayaa  mar  kale  la magacaabay   gudiga  hada  jooga  kuwaasi  oo   si  fiican  aadna  loo  bogadiyay u  qabtay  doorashadii  madaxweynenimo  sanadii  2010  taasi  oo  sababtay   sumcad badan oo  ay  ka  heleen shacabka,  waxayna  ahayd  dorashadaasi  tii ugu  horaysay  kuna  gulaysto  hogaamiye  Xisbi  mucaarida waana  madaxweyne  Silaanyo.

Intaa  ka  dib  madaxaa  dhacay?

Sanadii  2012  ayaa  madaxweyne  Silaanyo  mar kale  dib u  furay  hanaankii  ururada  badan    taasi  oo  sababtay  in u baaba’o  xisbigii  dhalay  Somaliland  ee  UDUB  halkisiina  soo galo  xisbiga  WADANI, doorashadaasi  waxay ahayd  doorashadii ugu horaysay  ee  dhiig ku dato  intii  Somaliland  jirtay  dadna  inagaga  dhinto, waxaa  kale  oo  ka  dhacday  dorashadaa  ku  shubashadi  abid  la  arko  heerka  ay gaadhsisantahay, taasi  oo  sababtay  in an  la  garanayn  cida  dhacday iyo cida  soo  baxdaytoona,  xataa waxaa  dhacday  in  xildhibano  soo  badaxay  hadana  la  yidhaah  may  soo bixine  way dhaceen,  waxaa  kale  oo dhacay  in ilaa hada  cid  cadayn kartaa  in  xisbitada hada  jiraa  ku soo  baxeen  si  sharci ah  iyo in kale,  waxaasi  oo  musuq maasuq ah  waxaa  ka  danbeeyay   gudiga  hada  jooga  kuwaasi  oo garan wayay  siday  wax  u dhaceen lagune  eedeeyay  in  doorashooyinka  si  baahsan oo  an hore  loo arag  loogu  shubtay, dhamaan  shacabka  reer  Somaliland  ayaa  sicad  isugu  raacsan in  gudigaasi  an   mar  danbe  lagu aamini  Karin  doorasho  danbe  habayaratee  madaama  ay  ku  fashil  meen  doorashadii  degaanka  ugu horeeyay  ee  ay  qabtaan,  sababna  u  noqdeen  in dhiig  ku daato  ilaa hadana  sii  muuqato  dhibtii ka  dhacday  maarana  loo wayahay.

Hadaba  ma  istahilaan in ay  doorasho danbe  qabtaan

Jawaabta  su’aashasi  way  fududahay  hada  mana  suurto galayso  in ay  mar kale  qabtaan  doorasho  danbe, hadii  ay dhacdana  waxaa  halis  gali doona  jiritaanka  Somaliland,  si  hadaba  ayna  taasi  u  dhicin  waxaa  fiican  in  manta  aan ka  hortagno  dhibtaa  soo  wajahan. Hadaba  waxanan  u  soo jeedinayaa  3  xisbi  qaran, golayaasha  qaranka,  Xukuumada  in arintaa  hada laga  hawl galo  lana  diyaariyo  Koomishinkii  qaban lahaa  dorashooyin lagu kal  soon yahay  oo  cadalad  u  dhaca,  xisbiyada hada  joogana  kuwada leeyihiin  xubno  shacabkuna  kuwada  kalsoonyahay  iyo  siyaasiyiinta  u tartamaya  kursiga madaxtinimada Somaliland  una  garsoori  kara  hadii  an taasi hada laga  hawl  galin maalin   kale  ayaa  laga  shekaysan  doona waxna  aan laga  qaban Karin,  anagu hadaanu nahay  shacabka  reer  somalialand  wax  kalsooni  ah uma hayno  gudiga hada  jooga  oo an  u  aragno  in ay faraha  dhiig  ku leeyihiin  laguna  amini  Karin  masiirka  umadda  mar kale, hadii  eebe inaga  bad baadiyo  tii  ay  inoo gaysteen sanadkii  2012, allah  inaguma  keenee.

By MAXAMED CABDI CALI

Maxamed1191@hotmail.com

Ber Bera(HalbeegNews)- Wasiirka Wasarada maaliyada Somalilnd Mud Cabdicasiis Maxamed samaale Ayaa maanta Ku Wareejiyay Qalab Kalmuuysato Maamulka Berbera Kuwaasi oo loo soo iibiyay Dadka kaluumaysatadad Ee Ku Dhaqan Ber Bera, hadab Qalabkan la Wareejiyay oo Ahaa Mishiinada Lagu Rakibo Doonyaha Ayaa Waxa ay U dhacday Sidan.

Ber Bera Office

Halbeegnews.

Abdaal(Halbeegnews)-Wasiirka Wasaarada Waxbarashadad Iyo Tacliinta Sare Mud Samsam Cabdi Aadan Iyo Wasiirka Wasaarada Qorshaynta Qaranka somaliland sacad Cali Shire Ayaa maanta xadhiga ka jaray Dugsi sare Oo laga Hirgaliyay Degaanka Madheera kaasi Oo Ay ka cawiyeen Dhiskiisa Dawlada Iyo Ha’yada Save The Children Hadab Dugsigan Ayaa Xafladii Xadhiga Lagag jaray Waxaa ka Hadlay masuuliyiinta Degmada Iyo waliba Wasiiradaii xadhiga ka Jaray Waxaana hadaladoodi ka Mid Ahaa. HALKAN KA DAAWO:

HalbeegNews
Ber-Bera Office

sida uu dhigaayo dastuurka JSL golayaasha sharci dejinta ee baarlamaanka iyo guurtida iyo sidoo kale Golayaasha deegaankuba waxay kuraasta ku imanayaan doorasho waafaqsan xeerka doorashooyinka ee X/lr/14/2011/Aug/20 sidaa daraadeed waxa waajiba in la soo doorto xildhibaanada golaha guurtida si ay u Maraan habkii sharciga ahaa hadaba waxa loo baahanyaha hal qodob in xal loo helo waanna lagama Maarmaan qodobkaas in la xaliyaa hadaba waxa laga yaabaa inaad iswaydiisaan waxan xalka u baahan Sida La wada ogyahay golaha guurtidu waa gole ka mudan golayaasha waa gole mus dambeed u ah dalka Waa Gole miisaan badan iyo qiimo wayn inoogu fadhiya waa gole meesha u fadhiya dejinta dalka waa gole Damiya shaqaaqooyinka isku dhacayda beelaha iyo kuwa siyaasiga ah-ba waa gole aan ku kala suntanayn Asxaabta qaranka oo aan gashanayn shaadh xisbi muxaafid iyo mucaarad kuu doono ha ahaadee

Lasoco

Hargaysa(Halbeegnews)- Maxkamada Gobalka Hargaysa Ayaa Xukun Xadhig Iyo Magdhow Ah ku riday mid ka mida dadka Wax dabiibka iyo sixirka ka shaqeeysan jiray kuwaasi oo hawlgalo ay sameeyeen ciidamada boolisku ku soo qabteen  isla mar ahaantaana la horkeenay Maxkamada, hadaba Danbiilahan la xukumay Ayaa waxaa Magaciisa la yidhaa Xasan Sheekh kaasi oo Jinsi Ahaan ka soo jeeda Koonfurta Somaliya isla mar ahaantaana Deganaa xaafadad Maxamed Mooge Oo uu ka sameyn jiray Sida Ay xaqiijiyeen Maxkamdu Sixiro iyo Dabiib.

maxkamda Ayaa Waxaa ay xukunkan ku riday kadib markii maxkamada la horkeenay dad uu ku sameeyay Falalkaasi sixirka kuwaasi oo ku cadeeyay isla mar ahaantaa sheegay in uu isagu xiray, sidaasi darteedna ay maxkamadu ku qaaday Kiiskii loo haystay in ay ku xukunto Magdhow Iyo labaatan Sanno oo Xadhiga.

Dadkani Ku shaqeysta falalka Ama sixirka Ayaa magaaladad hargaysa laga Soo uruuriyay 1 january 2014 Kuwasi oo ay hawlgaladeeda Sameeyeen Ciidamada Booliska Iyo guddida Xumaan Reebista iyo Wanaag farista oo iskaashanaya.

Halbeeg Hargaysa Office.

Suxufi Sare Cabdilaahi Maxamed Cali Wuxuu Iska Casilay Shaqadii Uu Ka Hayey SLNTV

Arbaca 05 March 2014 London (Halbeegnews)– Suxufiga keliya ee aqoontiisu gaadhsiisantahay heer Master Degree, isla markaana ahaa ruug cadaaga keliya ee ka mid ah suxufiyiinta afka Soomaaligaku hadla ee ku sugan magaalada London, oo tan iyo markii telefishanka xukuumadda Somaliland gacanta ku hayso ee SLNTV laga furay magaalada London ka hawl gallaayey, Cabdilaahi Maxamed Cali ayaa shallay gelinkii danbe shaqadii uu ka hayey telefishankaasi iska casilay, iyadoo wararkuna tibaaxayaan in sababta uu isku casilay tahay sababo badan oo is biirsaday oo ay ugu weyntahay isagoo barnaamijyada uu ka sii daayo telefishanka u madax banaanan waayey, isla markaana dadka uu weraysiyada la yeesho qaarkoodna la diido in laga sii daayo telefishanka halka qaar kalana barnaamijyada la jar jaro.

Arrinta kale ee ku keliftay Suxufi Sare Cabdilaahi Maxamed Cali inuu shaqadii telefishanka SLNTV iska casilo ayaa wararka ay Halbeegnews hellaysa tibaaxayaan inay la xidhiidho musuq maasuq, eexasho, qabiilaysi iyo kooxaysi la degay isla markaana burburiyey dhammaanba hawlahii telefishanka qarranka ee dalka ingiriiska.

Haddaba barta uu ku leeyahay shabakadda Facebook ayuu Cabdilaahi Maxamed Cali wuxuu ku qoray qoraalkiisa uu shaqada kaga tagay oo u qorna sidani:

“Waxa aan dhamaan asxaabta igala socotay TV Qaranka Somaliland la socodsiinayaa laga bilaabo 05/03/2014 oo ku beegan Arbaca in aan iska casilay kana tagey, isla markaana aanan wax shaqo ah ama ka hawlgal dambe TV Qaranka Somaliland ka sii wadeyn, siiba laanta laantiisa Yurub oo aan studio-ga London xarun u ahayd barnaamijkaygii joogtada ahaa ee ‘Madasha Qurbejooga” aan ka soo dayn jiray.

Hase ahaatee taa macnaheedu ma ah in aan faraha ka qaaday saxaafada iyo qaabkii aan barnaamijkaa u soo diyaarin jiray, waxaanan rajeynayaa in aynu dib ugu kulano Madasha Qurbejooga ama mid kaba sii wanaagsan bar kale oo saxaafadeed Inshaa Allah. Sidoo kale waxaan aad iyo aad idiinka mahad celinayaa mudadii aan TV Somaliland joogay oo runtii aan ahayn hawl fudud , balse waayo aragnimo ii ahayd intiinii taageerada, niyad dhiska iila barbar joogtay oo aanan marnaba ilaawayn dareenkiina iyo wadaniyada aad muujiseen. Waxa sidoo kale aan halkan lee yahay asxaabtayda ku sii hadhay TV Qaranka London ee hawsha gacanta ku haya balse aan magac ahaan u joogin nasiib wanaagsan iyo khayr badan oo aan idiin rajeynayo, waanad mahadsan tihiin. Laakiin halkan facebook weynu wada joognaa!!” ayuu ku soo gebo gebeeyey qoraalka uu isku casilay Suxufi Sare Cabdilaahi Maxamed Cali.

Dedaal Intee Le’eg Ayuu U Gallay In Sumcadda Telefishanka Qarranka Ee Dalka Ingiriisku Ay Wanaagsanato

Wararka ay Halbeegnews ka hellayso xogaha ku dhaw Suxufi sare Cabdilaahi Maxamed Cali ayaa tibaaxaya in muddo dheer uu cabashooyin isdaba joog ah u gudbiyey madaxda ugu saraysa qarranka, isagoo cabashooyinkiisaasi ku sheegay caqabadaha ugu waaweyn ee la soo darsay hawshii uu ka hayey telefishanka, iyo weliba qabiilaysiga, kooxaysiga, hanti lunsiga iyo musuq maasuqa dhinac walba leh ee xadka ka baxay ee ka dhex aloosan gudaha telefshanka qarranka ee magaalada London.

Wararka Halbeegnews heshay ayaa tibaaxaya in Suxufi Sare Cabdilaahi Maxamed Cali uu kulan arrinta kala yeeshay wasiirka madaxtooyada Xirsi Cali Xasan muddadii uu ku sugna dalka ingiriiska, isla markaana uu cabashadiisa uu si rasmi ah ugu bandhigay isla markaana Wasiir Xirsi si toos ah ugu sheegay inay ka raali yahiin in madaxda qarranka ee axsaabta iyo golayaasha wararkooda iyo weraysiyadooda laga sii daayo telefishanka isla markaana aanay madaxtooyadu wax caqabad ah ku ahayn, balse maamulka telefishanku uu iska baqanayo, balse kulankaasi ayaan noqon mid caqabadda haysatay suxufi Cabdilaahi Maxamed Cali lagu xalliyo, waxaanu telefishanku la mid noqday sida  sidii kii Kacaankii Siyaad Barre, iyo inuu telefishanku noqdo mid qarranka u dhexeeya sida magaciisa ka turjumaya, balse nasiib darro kulanka uu la yeeshay Wasiir Xirsi ayaan noqon mid lagu qanciyo

Wuxuu sidoo kale Cabdilaahi Maxamed Cali dhawr jeer cabashooyin u gudbiyey madaxweynaha Somaliland iyo marwadisa Aamina Maxamuud Jirde Weris, kaasi oo uu u sababeeyey arrimaha iyo caqabadaha haysta telefishanka oo ay madaxtooyadu ku bixiso boqolaal kun oo dollar, balse noqday ka noqday fadhiid dalka ingiriiska, dhammaanba cabashooyinkiisaasi ayaa noqday hal bacaad lagu lisay aan waxba la iskaga tirinin, isla markaana ay madaxda qaranku si dadban ugu xaqiijiyeen inaanay ka raali ahayn in telefishanka qarranku noqdo madal loo wada simanyahay.

Barnaamijka Madasha Qurbe Jooga

Suxufi Sare Cabdilaahi Maxamed Cali ayaa wuxuu ka sii dayn jiray telefishanka SLNTV barnaamij siyaasi ah oo la yidhaahdo Madasha Qurbe Jooga kaasi oo uu ku martiqaadi jiray todobaadkiiba mar siyaasiyiinta Somaliland iyo haldoorka qurbe jooga, balse intii uu barnaamijkaasi soo saaraayey ayaa mar walba wuxuu kala kulmi jiray caqado aad u farabadan in barnaamijkiisa laga sii daayo telefishanka, waxaana mararka qaarkood dhici jirtay in gebi ahaanba la diido in barnaamijkii uu soo saaray, wakhtigu kaga baxay isla markaan soo gudbiyey la tirtiro lana diido in la sii daayo, sababtoo ah inuu qofka la weraysanaya yahay hogaamiye mucaarid ah.

Dhibaatada kale ee Cabdilahi Maxamed Cali la soo daristay ayaa ahayd iyadoo barnaamijkiisa bilaw ilaa dhamaad lagu samayn jiray jar jaris laga goynayo meelaha aanay xukuumaddu jeclaysan, iyadoo weedha iyo muuqaalka la goynaya aanay ahayn wax sidaasi u sii jaban.

Musuq Maasuqa iyo Qabiilo Kiilka Biyo Dhigay Xarunta SLNTV Ee London

Xafiiska uu telefishanka SLNTV ku leeyahay magaalada London ayaa waxaa loo soo magacaabay nin lagu magacaabo Cabdiraxmaan Aadan Dhari oo ay isku raas ka soo jeedaan wasiirka madaxtooyada Xirsi Cali Xasan, oo isagu ahaa shakhsigii xilka keenay, Mr. Dhari ayaa wuxuu ahaa intaanu xilka qaban dadka ku mamay hawlaha bulshada (Community Service) ee lacagaha been abuurka ah lagaga gurto dawladaha hoose ee dalka ingiriiska.

Markii loo magacaabay xilkani wuxuu markiiba ka dhex bilaabay gudaha SLNTV London qabiilaysi, iyo inuu musuq maasuqo mushaharkii shaqaalaha iyo xarunta telefishanka, oo mararka qaarkood ay dhacdo in shaqaalaha qaarkood ay bilaa mushahar ku dhacaan, iyadoo mushaharkoodii loo soo diray.

Arrinta ugu layaabka badan ayaa ah in Mr. Dhari uu shaqaale kasta oo ka hawl galla SLNTV London uu khidmad ahaan mushaharkooda uga goosto lacag U dhexaysa £100 Ilaa  £200 oo uu ka dhex saaro mushaharkooda.

Cabdilaahi Maxamed Cali Iyo Aqoontiisa Saxaafadeed

Cabdilaahi Maxamed Cali ayaa wuxuu shahaadada sare oo  Master Degree ka haysta jaamacadda Toronto University ee dalka Canada oo uu ka qaatay Master degree  of Journalism, wuxuu hore ula soo shaqeeyey wakaaladda wararka Reuters, iyo maxadada wararka dalka canada ee Canadian Press, wuxuu sidoo kale ka soo hawl gallay idaacaddii afka Soomaaliga ee dalka Canada ee Radio Golis oo uu ka noqday tafatire.

Wuxuu sidoo kale ka mid ahaa haldooradi sida tabaruca ah usoo qaaday telefishankii ugu horeeyey ee carada Somaliland laga hirgeliyo sannadkii 1998 kii ee marka loo yaqaanay Hargeysa TV, imikana loo yaqaano Somaliland Space Channel, wuxuu ahaa weriyahii ugu horeeyey ee Somalilander ah oo weraysi fool ka fool ah la yeeshay madaxweynahii hore ee Somaliland Maxamed Xaaji Ibraahim Cigaal ilaahay naxariistii janno fardawsa ha ka waraabiye.

Wuxuu ku hadla marka laga yimaado luuqadda Soomaaliga luuqadaha ingiriisiga, faransiiska iyo carabiga.

Weriyahii Gaarka Ahaa Ee Madaxweynaha Somaliland Siciid Maasim Axmed Cawaale Oo Hore Isagu Isla Arrintani Isku Casilay

Weriyahii gaarka ahaa ee SLNTV ee madaxweynaha Somaliland Siciid Maasim Cawaale ayaa bishii December ee sannadkii hore shaqadii iska casilay, ka dib markii maamulka telefishanku diiday in la sii daayo barnaamij uu ka sameeyey guddoomiyaha xisbiga UCID Eng. Faysal Cali Waraabe oo dalka Turkiga kaga qayb gallay shir caalami ah oo axsaabta bidix dhexe iskugu timid.

Kharashaadka Lagu Bixiyo Xarunta SLNTV Ee London

Marka laga yimaado khidmadda qamar sanaaciga ee laga qaado telefishanka sannadkii, waxaa ka hawl galla SLNTV xaruntiisa magaalada London dad kor u dhaafaya ilaa 30 qof, oo aanay qaarkood xita soo shaqo tagin, isla markaana lacagahooda lagu siiyo fadhiga.

qofka ugu mushahar yar ee ka hawl galla SLNTV London wuxuu qaata lacag gaadhaysa £800 pound oo u dhiganta ilaa $1200 dollar, waxaa intaasi dheer kharashka kirada goobta ay kaga jiraan magaalada London oo sannadkii lagu qiyaasayo ilaa ku dhawaad 1000 kun oo pound oo u dhiganta ilaa 170 kun oo dollarka maraykanka ah.

Arrinta afkala qaadka, yaxyaxa iyo layaabka mudan ayaa ah in maamulka xafiiska magaalada London oo ah qol keliya oo uu ka hawl geli kari lahaa oo keliya hal qof, kharashka intaasi le’egna xukuumadda u bad baadin lahaa, loo sameeyey maamul ka kooban ilaa shan qof oo kala ah Guddoomiyaha xafiiska SLNTV London, Guddoomiye ku xigeenka, Maareeyaha Guud, Maareeye ku xigeenka iyo madaxa xisaabaadka, oo dhammaantood mushahar kumanaankun Pound ah ku qaata hawl uu qof keliya qaban kari lahaa, markii shabakadda Halbeegnews isku dayday inay wax ka ogaato sababta sidani foosha xun loogu sameeyey maamulka SLNTV ayaa lagu sheegay in agaasimahii hore ee warfaafinta Somaliland Faysal Cali Sheekh inuu qaab beelo ah ugu qaybiyey maamulka telefishanka oo aad moodayso in loo qaybiyey qaabkii 4.5 ee beelaha Soomaaliya wax u qaybsan jireen.

Cabdilaahi Maxamed Cali Oo Barnaamijkiisa Qurbe Joog Ku Weraysanaya Wasiir Xirsi

Hoos Ka Daawo Video Muuqaaladda Qaar Ka Mid Ah Baraamijkii Cabdilaahi M. Cali Ee Madasha Qurba Jooga Ee Ka Bixi Jiray SLNTV Weraysigii Wasiir Xirsi

Weraysi Uu La Yeeshay Wasiirka Macdanta iyo Tamarta Xuseen Cabdi Ducaale

 Halbeegnews, London

contact@halbeegnews.com

Hargaysa(HalbeegNews)-Mid Ka mida Eedeysanayaashi Loo tuhunsanaa dilka Talyahii Saldhiga Xaaji Saalax ayaa Gacanta Ay ku dhigeen wasaarada Arimaha guddaha Somaliland.

Wasiirka wasaarada cali maxamed Waran Cade ayaana ka war bixiyay Qaabkii ay u qabteen Iyo waliba hawlo nabadeen Oo ay ka wadeen deegaanada bariga, hadba Wasiirka Oo Arimahaasi Ka hadlaaya ayaa Waxaa uu yidhi ”

Waxyaabaha wadankeena halista ku ah ee dhaqaale ahaan caafimaad ahaan iyo tacliin ahaanba ina afeeyey waxaa kow ka ah geedka loo yaqaano qaadka kaasi oo bulshadeena fara ba,an ku haya dhinac kasta oo ay noloshu leedahayba geedkan isaga ahi waa geed ina qaatay oo inala lumay sida magaciisa ka muuqatana waxaa uu yahayba qaad macnaha waa kii wax qaaday ee halaagaayey.
geedkani waxaa uu inaga aafeeyay dhinacayada aan soo sheegnay hadaba waxaan isdul taagi doonaa bal inaan meelaha uu inaga weeraray qodob qodob u eegno waana tan:

1: waxaa uu inaga weeraray dhinaca dhaqaalaha oo waxaa uu inoo horseeday caydhnimo markaan sidaa dhahaayana waxaan u hayaa daliil cad waxaad arkaysaa qof shaqadiisa waxa uu ka helaba ku baxshaaya qaad wax meel u dhigmaaya iyo dhaqaale uu kobcinayaana majiro inuu sidaa yeelo iska dhaafoo raga qaar ayaa waxay ku siganayaan inay ubadkooda xaraashaan si ay qaad u siistaan waxaa lamarayaa heer ilaa miyiga uu meel xun maraayo oo waxaa qaadka lagu kala cunaa ama lagu kala amaahdaa waxaan ku siin doonaa wananka adhigayga ka dhalan doona waa yaab isagoo marka horeba quud xaaraana ahaa ayaa hadana waxaa lagu kala gatay iib xaaraan ah oo waxaa la dabaqay iibka shareecadeena islaamku u taqaano baycul qarar, oo macneheedu yahay iib aan la garanahayn waxa laka qaatay ama laka gatay.
sanad kastaba ninka reer miyi ama baadiyaha dagan waxa adhigiisa ka dhasha waa loo xaadiraa waana laga qaataa wax yar kadibna adhigiiba waa dabar go,aa ama waa madhaa ilayn waa xoolo dhakada lagaga taagan yahay oo larifaayo oo aan loo aabo yeelahayn sidaa awgeed buu wax yar ku caydhoobayaa.
sidaa awgeed waxaan leenahay bahalka ama geedka qaadka layidhaahaa waxaa uu inaga dhigay umad caydh ah oo dhaqaaleheenii waxaa uu si dhib yar u tagaa wadanka aan jaarka nahay ee itobiya.

2: dhinaca kale hadaan u soo noqono waxaa uu ianaga weeraray caafimaadka oo waxaad wadooyinka magaalooyinka ku arkaysaa dad waalwaalan ama rag waalwaalan oo suuqyada maraaya gacantana ku sita garaabo oo kaba dhigay waxaa kale oo aad arkaysaa kuwa faya qabka sheeganaaya laftoodu caadi maaha oo hoostay ka gubanayaan ilayn habeen iyo maalinba waxa la cunayaa waa sun.
waxaa uu sabay xanuuno badan oo dhinac walba leh kuwaasi oo maanta daadkeenu ay u il daran yihiin.
waxaa kale oo sabab u yahay kala taga reero badan oo dumay isla markaana kala yaacay oo is afgaran waayey qaadkuna aabo ka yahay kala tagaasi.

3: geesta kale waxaa uu inaga weeraray dhinaca damiirka iyo habdhaqanka wacan waxaanu inoo horseeday inaan noqono dad aan xishood iyo kala danbayn iyo sitix galin midna lahayn intaa iskaba dhaafoo waxaa uu bulshada baray diid cayga iyo ilaah cayga oo ah gaalinmo aan muran lahayn.
waxyaabaha kale ee uu aabaha u yahay qaadku waxaa ka mid ah nadaafad xumada waayadan danbe suuqyadeena iyo xaafadeheena intaba caanka ka noqotay taasi oo waayadii horay aynaan lahaan jirin oo aynu ahaan jirnay dad nadaafada jecel oo nadiif ah hargeisa laguma aqoon guddafada tirada badan ee haatan magaalada meel kastaba daadsan runtii waa mid uu qaadku sababay hooyana u yahay.

4:  waxaa uu inaga weeraray oo kale dhinac muhiim ah waa dhinaca tacliinta oo waxaad arkaysaa dhalin yaradii larabay inay waxbaraan oo wadanka u fakiraan ayaa waxay ku foogan yihiin qaadka cunistiisa marka laga reebo in yar oo iyagu runtii dadaasha, halkaana waxaa uu inaga naafeeyey waxaynu sharafta iyo karaamada ku lahayn ama aynu ku faani lahayn oo ah dhalin yarada ilayn wadan waliba waxaa uu ku faanaa waa hadba tayada iyo qiimaha ay leeyihiin sidaa awgeed qaadku dhalin yaadii wadanka hogaamin lahayd ee u fakari lahaydna waa inaga baabashay.

5: waxyaalaha layaabka leh eed arkayso waxaa kamid ah nin dhalinyaro ah ama masuul ah oo waxad arkaysaa qaad gadanaaya waliba nooca u qaalisan hadaad eegto dharkiisana waa aradan yahay waana cagaagan yahay ismana oga ee waxaa uu doorbiday inuu isagoo qaawan ama aradan oo caga cad uu qaad gato ama iibsado intaa uu qaadka ku gadanayaana isaga daayoo waxay dhar iyo kaboba u jari lahayd caruurtiisa ama qoyskiisa.
waxaa uu hadh iyo habeenba ku noolyahay been iyo wax iswaydaarin.

guntii iyo gabagabadii waxaan leenahay oo aan ku celcelinaynaa waar aan iska dayno qaadka ina qaatay waxaa kale oo aan leenahay oo aan kula talinaynaa saaxiibkeena cagaagan ee aradan hadana qaadka qaaliga ah cunaya inuu iska joojiyo oo uu naftiisa iyo tan reerkiisa ama qoyskiisa u tudho oo bilaabo nolol cusub oo dhab ah kana baxo khayaaliga iyo jaahilnimada aan beel gaadhsiinahayn ee beenta ku salaysan.

la soco qormooyin cusub hadii ilahay idmo.

W/Q: JAMAAL CABDILAHI MUXUMED ( ABU CIZA)

Hargaysa(HalbeegNews)-Xoghayaha Guud ee Xisbiga Mucaaradka ah ee Wadani Maxamed Cabdilaahi (Uur-Cade) ayaa wax laga xumaado ku tilmaamay Faro Gelinta Ay Ka Cawdeen Bahda Garsoorku in hawlahooda lagu hayo. Waxa uu Xukuumada ugu baaqay in ay ka laabato isla markaana ay ka hawl gasho sidii uu garsoorku ugu madax Banaanaan lahaa hawlihiisa.

Sidaasna waxa uu ku sheegay mar uu maanta U Waramayay Warbaahinta kala duwan, waxaanu intaasi ku daray in isla markaana uu kula dardaarmay Wasiir ku xigeenka amniga qaranku in uu faraha kala baxo Hawlaha uu gacmaha kula jiro Waxa uu carabka ku adkeeyey xog-hayaha guud ee xisbiga wadani inuu wasiir ku xigeenka arrimaha gudahu uu cid garabka saarayo isla markaana cidii laga xukumayo uu difaacayo cidii loo xukumayna uu Dulmayo.

Xoghayaha Guud Ee Xisbiga Waddani Maxamed Cabdilaahi Uur-cade oo arimahaasi ka hadlaya ayaa waxa uu yidhi sidan “waxaad la socotaan am aad wada ogtihiin in ay somaliland ka kooban tahay saddex waxood oo kala ah garsoorka ,sharci dajinta iyo fulinta tan maanta socotaa waxa ka horeysey in wareera cadaan ah ay xukuumadu ku soo qaaday golaha wakiilada somaliland ilaa uu ilaahay u bixiyey una soo gurmadeen golahii guurtidu ilaa shalay waxaan warbaahinta ka arkayey xukuumada oo ka hadlaysa garsoorka buun-buuninaysa halkii ay dabka ka damin lahayd”.

Dhinaca kale xog-Hayaha Guud ee Xisbiga wadani Maxamed Cabdilaahi Uur-Cade waxa kale oo uu sheegay in garsoorkii ay xukuumadu siinayso amar cad taasina ay ku tusayso ayaa uu yidhi inaanu garsoorkii uu madaxwayne siilaanyo shalay lahaa wuu madax banaan yahay maanta cabudh san yahay. “waxa ay xukuumadu hadana usoo wareegtay markii ay guurtidu damisay colaadii iyo buuqii ay ka dhexe abuurtay golaha wakiilada in ay hadan ku dhexe dhacdo garsoorkii sida ay shegeen garsoorayaal ka tirsan maxkamada gobolka iyo ta raf-caan kaba leh ragas hadlayeyna waxa ay shegeen in ay xukuumadu si cad oon gabasha lahayn usoo faro galisay amaro kala duwana siinayso bahdii garsoorka”.

Sidoo kale waxa uu intaasi ku daray Xog-Hayaha Xisbiga wadani in wasiirka ku xigeenka arimaha gudaha iyo guddoomiyaha maxkamada sareba ay ka hadleen arimo siyaasadeed oo ay xilkooda ku difaacanayaan ee aanay ka hadlin cadaaladii iyo tabashadii garsoorayaasha. “waxa ka hadlay wasiirka arimaha gudaha waxa ka hadlay Guddoomiyaha Maxkamada sare kuwaas oo dhamaan tood-ba ka hadlay arimo siyaasadeed ee aanay ka hadlin tabashadii garsoorka halkaas waxa nooga muuqata ka xisbi wadani ahaan in ay ku bur-burtay nidaamkii dawlad nimo, xukuumaduna hortu waxa ay noqotay yaa saxaafada nagala hadlay halkii ay xal ka gaadhi lahayeen ceebta hoos teeda taala bur-burka gudaheeda ka jira iyo maamul xumada ragaadisay xukuumada oo madaxwaynaha ka yahay Axmed Maxamed Maxamuud Siilaanyo”.

Waxa kale oo uu wasiir ku xigeenka arimaha gudaha somaliland ku edeeyey inuu baryahanba faro galin qaawan kula dhexe jiray bahdii garsoorka somaliland isla markaana ay cadaynayso in ay xafiiskiisa yaalaan 380 kiis oo uu fulintii ka hor joogsaday. “wasiir ku xigeenka arimaha gudaha somaliland laba qodob oo uu sheegayba waxa ay qirayaan wax ka baxsan nidaamkii garsoorku lahaa iyo nidaamkii dalku ku shaqaynayey waxa uu sheegay in 380 fulinood yalaan xafiiskii oo uu ka hor joogsaday inuu siiyo fulintii taas oo ku tilmaamaysa cadaalada daro yaase wasiirka ku yidhi waa cadaalada daro yaa udirtay cadaalada masuul ma ka noqon karaa cadaalada wasaarada arimaha gudaha somaliland waxa ay xaq uleedahay in ay marka ay soo dhamadaan arimaha maxkamadayntu iyaduna hawsha loo dhiiba in ay fulisa uun”.

Waxa uu carabka ku adkeeyey xog-hayaha guud ee xisbiga wadani inuu wasiir ku xigeenka arrimaha gudahu uu cid garabka saarayo isla markaana go’aankii Maxkamada ku tilmaamayo cadaalada daro. “kola uu wasiirku ku leeyahay waa cadaalada daro waxaana uu dareemayn inuu cidna diidan yahay cidna aanu doonayn cidii loo xukumay waa uu difaacayaa cidii laga xukumayna waa uu dulmayaa. Dhinaca kale waxa uu ka hadlay isla markaana sheegay inaanu xisbiga mucaaradka ah ee wadani aanu diyaar u ahayn mudo kordhinta la hadal hayo waxaana uu madaxwayne siilaanyo u soo jeediyey inuu tix galiyo balan qaadkii uu ka sheegay aqalka golaha barlamaanka somaliland kaas oo ku cadeeyey inaanu diyaara u ahayn madaxwayne siilaanyo in doorashada maalin lagu darayn.

Dhinaca kale ku xigeenka xoghayaha guud mudane Jamaal Jaamac Xaamud ayaa dhiniciisa badhasaabka gobolka sanaag ku eedeeyey inuu albaabada u laabay maxkamadihii gobolkaasi waxaanu yidhi “badhasaabkii gobolka sanaag wuxuu shalay xidhay maxkamadihii ceerigaabo rafcaankii, gobolkii iyo degmadiiba isagoo ugu marmarsoonaya way shaqaysan waayeen runtuna waxay tahay isagu xaq uma laha inuu xidho, waxana looga baahnaa inuu warbixin usoo gudbiyo guddiga caddaaladda wixii dhib ah ee jira markaas waxaanu leenahay waa farogalin qaawan oo toos ah oo lagu hayo maxkamadaha waxana caddayn dadka ugu filan in maxkamadihii hoose oo dhami qayliyeen oo yidhaahdeen waxay wasiiradu noo soo qorayaan warqado ah waxaanu idin faraynaa taasina waa mid wax u dhimaysa dawladnimadii Somaliland”.ayuu yidhi.

Xamse jirde waxuu kubada bilaabay  isagoo da yar  waxaanu kazoo bilaabay heerka hoose  ee kooxaha yar-yar  ee ka dhisan magaalada hargeisa  ilaa uu  ka gaadhay  heerka 1aad  kooxda solycado oo markaa ahayd heerka 3aad ayuu kazoo biiray xooxyar oo ka dhisan  xaafada shacabka  xamse waxa uu kusoo biiray kooxda solycado 2005 xamse waxa uu jeclaa in uu waligiiba ku  hamiyi jiray in uu mar uun ka garab ciyaaro  tobabare badri aadan iyo kooxda solycado  waxa uu  dhiiri galin ka helay  tobabare badri aadan iyo ciyaaryahanada kooxda solycado  xamse waxauu kula guulaystay kooxda solycado koobab badan oo qaarkood  guulal lama filaana gaadhsiiyay kooxda solycado  xamse isagoo u cyaaraya todoba  sano kooxda solycado  ayaa waxa uu noqday gool hayihii ugu wanaagsanaa kooxda solycado  iyo xaafada shacabka  xamse jirde waxa uu ka gaadhay kubada cagta  heerkii ugu wanaagsanaa  waxaana la garab galay  tobabaraha kooxda solycado oo imika ah sarkaal ka tirsan  ciidanka policeka  iyo wasaarada duulista iyo hawada  waxa mudnaan gaara leh ciyaaryahanada kooxda solycado  oo heerka uu xamse kubada ka gaadhay baal dahaba ka lahaa waxaanay kala yihiin tobabare badri aadan iyo captanka kooxda  cadnaan qureeish  oo heerka uu xamse soo gaadhay soo gaadhsiiyay  xamsekubada wuu sii wadan lahaa lkn waxa soo gaadhay dhaawac  halis ah oo ka soo gaadahay  garabka bidix isagoo ciyaartii ugu muhiimsanayd ciyaarayawakhtigaa oo ay ahay ramadaan 2012 ka hor intaanu dhaawacmin waxa uu dalabyo kala duwan ka helayay kooxaha ka dhisan caasimada hargeiasa iyo  kooxo ka dhisan goboilada dalka oo ay ka mid yihiin gobolka gabilay  waxaanu ka doorbiday kooxda solycado iyo cayaaryahanada kooxdaasi   heerka aan ka gaadhay kubada  waxa qayb libaax ka qaatay  oo aan umahad celinayaa  1= tobabare badri aadan  2= captain cadnaan qureeish  waxaanan halkan mahad qaaliya oo aan lasoo koobi Karin u diriyaa mulkiilaha kooxda solycado  yuusuf daahir  oo hada ku sugan wadanka Canad

Xamse jirde  waxaa uu noqday gool hayihii ugu wanaagsanaa xaafada shacabka iyo  kooxda solycado     daba ded xamse waxaa uu   dalabyo kala duwan kahelayay kooxaha kadhisan caasimada hargiesa  waayo gool haye xamse  heerka uu kubada kagaadhay waxaa qayb lixaadle kaqaatay toba baraha sollycado badri aadan iyo waliba kabtanka kooxda solycado cadnaan quresh xasan  xamse waxaa soo qacan qabtay markuu kubada cagta kusoo biirayay  kabtanka kooxda solycado  cadnaan qureesh     walibana  dhiiri galinta ugu badan kabtan cadnaan qureesh ayaa isiin jiray markasta oo aan  garoonada kudhax jiro kabtan cadnaan  garab kayga ayuu taagnaa si uu  wax igu kordhiyo  waayo kabtan cadnaan qureesh waxaa uu ahaa ciyaartoy dhamay tiran dhexda kufiican  ana sidaa ayaan  wax uga koradhsan jiray cadnaan qureesh xushmad sharaf ayuu  iga mudan yay  imika waa shaqaale katirsan wasaarada maaliyada  xamse jirde  maalina muu heli jirin nasasho waayo  aad ayaa loosoo dalban jiray xamse    intii uu kubada ciyaarayay dhacyo kala duwan ayaa raga diyay lkiin se waa uu kazoo kacay qaarkood nasiib daro xamse jirde  2012kii bishii ramadaan 17keedii oo kazoo laabtay safar ciyaareed oo uu ugu ciyaaray koox kadhisan gobolka gabilay oo  ayaa ayaa waxaa loo sheegay in kooxdiisii solycado ciyaarayso  sidag daga ayaa xamse usoo baxay  dabadeed  wuu ciyaaray kooxda solycado halkaana waxaa kazoo gaadhay dhawacii abid intuu kubada kujiray ugu xumaa dhawacaa oo kazoo gaadhay kalxanta bidix dhaawaca xamse jirde waxaa  kanaxay dhamaan ciyaartooyada kooxada solycado waayo waxaa uu ahaa xamse gool haye cajiiba markuu  garoonka kujiro  ciyaartooyada kooxda solycado  way ka murugoo deen dhaawaca soo gaadhay xamse xamse jirde waaa gool haye kudayosho mudan heerkuu soo gaadhay ilaa markii uu yaraa waxaa qayb lixaadle kulahaa  kabtanka kooxda solycado cadnaan qureesh xasan    hada xamse jirde kubadii sidaa ayuu kaga fadhiis tay  lkiin wali badal kiisa kooxda solycado may helin  waxaan halkan uga mahad naqayaa taba baraha kooxda solycado badri aadan iyo  waliba kabtanka kooxda solycado cadnaan qureesh xasan oo aan waligay ilaabi Karin  waayo waxa uu ahaa  waalidkay oo kale

“Markii Guurtidu Usoo Gurmatay Buuqii Ay Xukuumaddu Ka Dhex Abuurtay Golihii Wakiilada Ayey Imikana Ku Dhexdhacday Garsoorkii Dalka” Xoghayah Guud WADDANI

Khamiis 06 March 2014 Hargeysa (HALBEEG)–Wasiirka wasaaradda Caafimaadka Somaliland Somaliland xagla toosiyeayaa shalay ka cadhooday Somaliland, waxaanu xalay u hoyday magaaladda burco, halkaas oo uu doonayey in uu uga sii kicitimo Buuhoodle.

Wararka farriinnews.com helayso ayaa sheegaya wasiir xagla Toosiye in lagu horjoogsaday magaaladda Burco, halkaas oo ay kula kulmeen wasiiro ay ka mid yihiin Wasiirka Ciyaaraha iyo masuuliyiin kale.

Wasiirada ayaa la sheegay in ay xalay seexiyeen Hotelka Blaza ee Burco isla markaana ay gaadh kaga hayaan si aanu Burco u sii dhaafin.

Wararka Hordhaca ah ee farriinnews.com helayso ayaa sheegaya in uu Wasiir xagla Toosiye ka cadhooday laba Arrimood oo kala ah Taliyaha Ciidanka Qaranka Somaliland Ismaaciil Shaqale oo ka jaray Askar boqol iyo dheeraad ah oo uu wasiirka loo guneeyey markii uu usoo diga-roganayey dhinaca Somliland.

Arrinta kale ee Wasiir Xagla Toosiye ka cadhaysiisay ayaa ah mid dhex martay isaga iyo wasiirka Madaxtooyadda Xirsi Cali X Xasan, kaasoo shalay Madaxtooyadda ku qaabilay Odayaal Reer Widh widh ah kuwaasoo sheegay in ay usocdeen Gogoshii nabadeed ee madaxweynuhu u fidiyey Beelaha Barriga.

Sidoo kale, wasiir xagla Toosiye waxa uu si aad ah uga cadhooday Wasiirka arrimaha barriga iyo nabadaynta Cali Sandulle, kaasoo isna Madaxtooyadda ku soo shubay Ugaas uu hore xagla toosiye u samaystay oo ka yimi deegaanka Boocane kaasoo isna u socda in uu Xukuumadda wadahadal la furo.

Arrimahan isku biirsaday xagla toosiye ayaa keentay in uu shalay ka cadhoodo kadib markii khilaaf xoogani ka dhex dhasheen isaga iyo masuuliyiintaas, kuwaas oo uu garawshiiyo kaga waayay arrimaha uu uga cawday.Si kasta ha ahaatee ma cada Wasiir xagla toosiye in dib loogu soo celin doono Hargeysa iyo in uu Buuhoodle u kicitimo doono.

Wasiir Xagla Toosiye ayaa u muuqda in uu marayo wadadii Keysihii ka horeeyey ee Reer Widh widh ee sidan oo kale u cadhooday.

Farriinnews.com waxay isha ku haysaa halka ay cadhada Xagla Toosiye ku dhamaaato.

Farriinews Oo La Bah Ah Wergeyska Waaheen

Halbeegnews, Hargeysa

contact@halbeegnews.com